四月十七日沙田日馬貼士(1)

 

黎海榮論年資屬華籍騎師中的大師兄，論功架比其他華將絕不遜色，惟近年受傷患困擾影響表現，出賽次數亦偏少。周三頭仗終於憑「如沐春風」贏得季內第三場頭馬，看其沿途留放合度，取位信心十足，絕非爆軚之作。此君季內三場頭馬之中，有兩場是出自雪中送炭的徐雨石馬房，其中開齋馬「明月千山」今仗列陣頭場，單論賽績絕不失禮，上季未盡成熟曾負於現居三班「輝煌芯」，可是其後狀態低沉，評分持續下跌，季尾更降落五班。今季296場次田草同程終於贏馬開齋，同場亞軍「首飾傳奇」隔一仗亦贏馬補中，季軍「合夥贛勁」亦在四班屢次接近，該仗賽績絕對值得參考。贏馬後於泥地賽事落第一次回氣後，上仗402場次再戰同程，沿途際遇甚差，幾乎全程走無遮擋的外疊，結果跑第三並僅以頸位之微被「首飾傳奇」反勝，亞軍馬「一路順風」再出得一冠一亞一季，亦屬可靠賽績。黎海榮剛剛贏馬重拾信心，再逢季內開齋馬，可再接再厲，贏得季內第四場頭馬。

 

「帝豪精彩」降至五班有點微利，配合成熟進度，已接近勝利之門。上仗460場次田草同程沿途走沒有遮擋的外疊，亦能力保一席亞軍。今仗強配莫雷拉，賽前親試兩課擺明車馬，乃前駒最強對手。

 

 

第八場「二雋」出賽四次得一冠一亞一季，表現穩定，最難得是近兩仗配薛恩亦能接連入圍，可見馬兒必定有分在手。今仗強配賀銘年，必有更進一步表現。

 

「秒秒精彩」於不同路程和場地皆有可表現，亦屬有分在手。今仗配田泰安，乃近仗最強配搭，可更上一層樓。