九月廿五日沙田日馬貼士(2)

 

第四場「超悅明駒」上季五三四場次田草同程後上贏馬，雖然賺了快步速，但轉彎走出三疊蝕位無數下，仍造出全場最快末段時間一衝而過，姿態甚佳。可是難逃宿命，翌仗六零五場次再戰同程，一如其他偉廄頭馬再出必定走樣，結果負於頭馬兩個馬位跑第五。季尾六六九場次嘗試增程至田草千四米，因應遇上變化場地，沿途於外疊轉彎競跑，結果再次跑第五。評磅員眼光獨到，暑期班次總調整時，此駒一分不減，對其有點期望。此駒對上三仗皆排外檔，今仗再戰贏馬路程排七檔，形勢大幅改善，而且潘頓賽前曾親自替其拍跳試閘，動態積極，寄望以其騎功克服頂磅障礙，升上三班。

 

「得力寶駒」今季於開鑼日零零六場次田草同程已上陣，由於排十二檔關係，騎師賀銘年出閘後便捉力留以切入內疊，可是該仗早段步速極慢，頭段竟慢造24.73秒的晨操時間，第二段繼續慢至23.34秒，轉彎時牠仍處密集群駒之後的無可能上名位置，直路後又受重重圍困，只能跟隨頭馬「縱橫天下」馬尾追上，結果造出全場次快末段時間追入第四，表現亮麗。隔兩周改配何澤堯，騎練合作愉快，必謀補中。

 

 

第七場「新力高升」上季兩戰皆由莫雷拉主轡，熱倒一仗後，季尾七八九場次田草同程，於變化場地下大勝兩個半馬位開齋，姿態輕鬆。暑期後踏入四歲大熟大勇之齡，九月十七由莫雷拉試谷閘走勢甚佳。今仗再戰贏馬路程，適逢莫雷拉因傷缺陣改配梁家俊，可冷手執個熱煎堆。

 

「年少有威」九月十三日由潘頓試泥閘時走勢甚勁，今仗擺明車馬出擊；「陽明天空」亦然，雖然必成熱門亦不宜捨棄。