十二月二日跑馬地夜馬貼士(2)

 

第一場「高瞻遠矚」今季跑過四仗，狀態一仗比一仗提升，上仗203場次田草二千米跑第四，走勢已有復甦跡象。此駒出戰跑谷草A欄同程一次即勝，亦是全場唯一贏過A欄同程之參戰馬，可見路有專長。而且今仗對手實力似是而非，贏面甚高。

 

「動力飛鷹」評分已減至新低，前仗谷草同程，早段居尾列無遮擋的三疊競跑，入直路後於外疊有利場地衝刺，後上追入第四，雖然略賺步速形勢，但沿途蝕位無數甚樣計也屬不利，屬走光之作。上仗田草二千米雖然落敗，但所負不遠，可視作回氣。今仗再臨谷草，又到出擊時候。

 

「甲烷」一再在谷草賽事有好表現，改配近日手風頗順的周俊樂，屬三甲之選。

 

第七場有多駒曾經在127場次谷草同程各逐，「扎西德勒」、「紅麗舍」、「文武傳奇」和「南莊加寶」分列前四名，四駒勝負距離不足一個半馬位，水準相若，其中際遇最差的「南莊加寶」既蝕了慢步速，直路又走入內疊不利場地，難怪隔一仗後於181場次谷草一哩補中贏馬，加分後只宜作配。

 

「扎西德勒」贏馬後即運往從化操練，休養生息個半月後再戰贏馬路程，雖負頂磅仍屬爭勝要角。「紅麗舍」上仗轉戰泥地千八米水準下跌，觀望為宜。

 

最值得憧憬的是「文武傳奇」，上仗轉戰田草二千米大敗，可歸咎於沿途走無遮擋三疊兼且喘鳴症復發。賽後操練如常，此類健康有問題馬匹無保留必要，有狀態時可拼則拼，雖然穩健性談不上，但有實力有賽績兼且賠率可觀，值得博冷。