臨場睇馬心得

1.  大長途馬在沙圈及出跑道時，有時會呆呆滯滯，甚至推都唔郁，其實係氣定神閒。
2.  老馬跑肥唔跑瘦，若見身瘦切勿捧場，相反，肥些少唔係問題。
3.  睇灰馬毛色靚唔靚，呈胭脂紅當然最好，但若見黑白分明其實狀態已不錯了。
4.  大熱天時好多馬都會流汗，如果神色好的話不用介懷，相反，一滴汗不流之馬，小心是患了乾皮症，更加不妙。
5.  有些馬行沙圈時後腳會跛吓跛吓，這是馬兒的慣性，所以絕對不會影響陣上的表現。
6.  未跑過濕地之馬，若見耳仔戙戙，伸埋條舌出來舔雨水，未跑已知是匹游水馬。
7.  肉身馬要睇肥唔肥好考功夫，反而聽馬兒過步及出跳時落腳重唔重，即聲響大與否，會較易察覺是否過肥。
8.  有些馬行沙圈時會不停發出呼氣聲響，其實屬馬匹正常現象，不用太介懷，但若見有打噴嚏情況則不太妙。
9.  反白眼馬匹在陣上多數會有些神經質，所以出賽時表現也較失準。
10.馬尾只要生得整齊便算及格，但個別短尾之馬，競跑時平衡力會較差，在彎急路斜的谷中上陣會較吃虧。
11.競賽時豎尾的馬匹，一般來說皆並非好貨色，上陣全程豎尾，而又跑得好的，只屬少數例子。
12.馬匹紮腳其中一個作用係保護馬腳，有些馬次次都紮腳，一樣打疊3W，所以不要當此類馬無到。
13.馬匹行圈時如見口部流白泡，絕對不用擔心，相反更要重注，因為這樣才代表隻馬弗到震，狀態接近十足水準。